#ParentLicenses0484

真係唔明白點解21世紀嘅香港仲有啲咁嘅人

利申：我係同性戀者，前幾日我同男朋友去銅鑼灣行街睇戲之後食飯，同其他情侶一樣，我哋都有拖手，但無做啲好親熱嘅嘢

無耐入咗間餐廳，我哋搵咗個位坐底嗌嘢。之後，有一家三口坐咗喺後面嘅卡位，兩公婆睇落去未夠40歲，個仔應該讀緊小學。之後，佢哋開始咗一場好「銀」耳嘅conversation，搞到我同男朋友食得好唔舒服

?：「媽咪，頭先果兩個哥哥點解手拖手嘅？佢哋係咪拍緊拖吖？」
?：「你千祈唔好望人哋吖！佢哋呢啲叫做搞gay，係唔正常㗎！佢哋呢啲父母家教唔好，所以會做啲咁失禮嘅嘢，又核突又醜怪。」
?：「正常人應該男仔鍾意女仔，女仔鍾意男仔吖嘛，不過佢哋可能自己搵唔到女朋友啦，或者精神有啲病，所以咪搞gay囉。」
?：「仲有吖，佢哋有愛滋病，生唔到小朋友㗎。你下次見到記得要行遠啲，唔好同佢哋有任何接觸！要學識保護自己！你係咪乖乖仔先？」
?：「係！」
?：「可唔可以應承爹哋媽咪，唔好學佢哋ok？」
?：「ok！」

老人家接受教育嘅機會唔多，思想比較保守，唔認識、接受唔到同性戀並唔出奇，我可以理解。但係點解咁年輕嘅couple，可以對個仔大大聲講啲咁歧視、咁刻薄嘅說話？點解要將呢個仇恨散播落啲小朋友度？

生仔真係要考牌

讀者投稿@正常人