#ParentLicenses2215

識得一位媽媽，佢其中一個小朋友喺小學時期讀書好叻，考試頭三名，升中嗰張志願表係佢阿媽填，結果第一志願填咗一所band 5中學

相信大家都想像到band 5中學嘅學習環境係點。佢間學校日日仿似武林大會，又多黑社會，佢嗰班有四份之一人重要係吸毒，真係想專心上堂嘅只得一兩個

耳濡目染下，嗰位小朋友好自然地就群埋啲仆街仔度。幸好佢冇賭、冇吸毒，但就成日上堂瞓教，間中走堂去機舖打機，成績自然一落千丈。佢只有讀到中學畢業，連會考都冇考就出咗嚟做嘢

後來呢位小朋友大個，我同佢傾開讀書嘅話題，所先佢先講起以上發生嘅事

我：「點解你成績咁好，但要入band 5中學？」

佢：「張表係阿媽填，佢話我間學校近屋企喎」

我：「戇鳩㗎？你做咩唔自己填呀？有咩理由讀到band 1走嚟讀band 5，近屋企就要讀嗰間㗎啦？」

佢：「我唔熟啲學校呀嘛，咪屋企人揀囉」

我：「唉……」

（題外話：呢位大朋友屋企家境唔錯）

講到呢度，你可能會話「band 1都可以有唔好嘅學生，都會有嫖賭毒，亦都會有黑社會，一個成續好嘅人入咗band 5都可以繼續成績好，只要唔好受人影響」云云

無錯，我都認同，但我呢篇投稿想帶出嘅訊息唔係呢樣，而係做人父母可唔可以唔好咁求其？我當你個細路讀到九龍塘名校，你填屋企樓下間垃圾學校，你對唔對得住自己？

讀者投稿@而果位媽媽就係我奶奶果位小朋友就係我老公