ParentLicenses2204

明白睇卡通片小朋友係好興奮，間中可能唔明劇情會講嘢，但小朋友都有K3至小一咁大，可唔可以教育下睇戲應有嘅禮儀呢？

事源喺睇戲期間，有一個小朋友不停踢櫈，又不停問劇情內容，而佢家長就不停大聲咁講解劇情俾佢小朋友知

起初提咗佢可唔可以咪踢，冇用，再擰轉頭示意亦都不果。就算我小朋友只係K1都知咁嘅行為係唔啱啦，睇完都同我講有人係咁踢櫈同講嘢

若果你要講劇情的話，一係你喺屋企睇返Netflix或者Disney+，你要喺屋企通屋跑、跳、唱歌加跳舞都無人理你，一係你就包全場演講丫嘛

大家都係陪小朋友睇卡通片，唔係聽你演講同俾你小朋友踢背㗎！而且呢間係大間戲院唔係迷你街坊戲院呀，大人如果真係睇到呢個post，唔該自己反省下

圖片來源@Kamen Rider
讀者投稿@背脊被踢嘅憤怒家長