#ParentLicenses2196

話說我哋住外國，由於經常去同一間餐廳食飯，日子久了就同餐廳老闆一家人做咗朋友

後來見老闆突然暴瘦，而又一段時間冇見到老闆娘，老闆個媽媽就親口同我哋講佢兩公婆成日嗌交，直到上星期喺餐廳打架打到有飲醉咗嘅客報警，之後老闆娘就冇再返嚟

老闆媽媽知道我未做全職媽媽之前喺政府部門任職有關心理或精神健康嘅工作，所以佢就問下我可以點處理

最主要係兩個小朋友一直俾佢媽控制，之前就因為同個奶奶嘈過，所以唔俾小朋友同嫲嫲講嘢。另外，兩個小朋友喺學校都有好多情緒問題，又多投訴又要見輔導員。再者，個媽媽一見到餐廳熟客係講廣東話同普通話時，佢就會同人講佢個老公好衰，久而久之搞到啲女心理有問題

又聽佢奶奶講，個媽媽以為餐廳個女收銀/侍應同佢老公有路，所以大吵大鬧咁趕走咗佢，所以問有冇人肯做，不過最後都係請唔到人

因為居住嗰度係細town，呢啲嘢好容易搞到個個都知。個媽媽見佢奶奶成日搵我，就同啲小朋友講我搶走佢哋爸爸，行奶奶政策

我點知？就係佢兩個小朋友喺遊樂場同我小朋友講，而且同我小朋友講：「你爸爸冇我哋爸爸咁有錢，所以想偷我哋爸爸」

在場有其他家長做証人

個奶奶同我講佢哋已經分居，等離婚。我就介紹咗啲私人therapist同政府轉介俾個奶奶，之後我都冇再去佢哋間餐廳食嘢啦

讀者投稿@好心就成熟啲啦