#ParentLicenses2169

今次想讚吓同感謝一位考咗牌嘅家長

話說最近好多小朋友病，我的小朋友亦因為咳同發燒去咗診所。於等候期間小朋友突然咳到嘔，還嘔到一身都係，整到地下都一大灘嘔吐物

當時我自己冇帶濕紙巾（十萬個後悔，以後一定袋定傍身），即使診所姑娘有遞上濕紙巾，但得返幾張，抹兩吓就用完

驚魂不定嘅我完全唔知點算好，此時有位同樣帶着小朋友來看病的爸爸，佢即刻俾咗成包消毒濕紙巾我，我重聽到佢小朋友問點解要俾我

個爸爸就講咗句︰「唔緊要啦，小朋友好辛苦㗎！」

除咗呢位爸爸反應快之餘，佢嘅一句話反映到佢完全明白同理解做父母的心情，當下真係佢嘅舉動好安慰人心，我在此要感謝呢位爸爸的幫助！

讀者投稿@只想身體健康