#ParentLicenses2144

最近老公問咗我一條問題，佢問：「如果到時個仔有小朋友，你會唔會幫佢湊？」

我好堅決咁答佢：「如果佢有急事要行開幾個鐘，而又冇其他人幫佢湊，我可以幫佢湊幾個鐘，但要我全職湊孫就免」

係，冇錯，本身我仔已經係好難湊，所以唔想臨老又再要辛苦自己，又要再經歷返湊BB呢個階段

結果老公係鬧返我轉頭，指責我唔肯幫輕個仔係自私行為

我自私？我滿頭黑人問號？？？

當初老公好堅持要交個仔俾佢老豆老母湊（聲稱係俾兩老玩孫，其實係老奉隊俾人湊兼唔俾家用），最後我辭職全職湊仔，最主要原因係婆爺媳糾紛

此外，兩老啲生活習慣太恐怖，例如成日執垃圾返屋企，其次係佢老豆成日喺屋企仆親，佢老母生腫瘤，俾著你都唔會隊個細路俾病人湊啦

而幸好係我哋最後搬屋遠離佢哋

所以我想借呢度同大家講，老人家湊孫唔係天經地義嘅事，佢哋係冇責任幫你，就算你有俾家用，都睇下人哋重有冇精力同時間同你湊

讀者投稿@冇