#ParentLicenses2122

呢單講出嚟又唔知會唔會俾人話造假，但堅爆

話說有件事發生於私人屋苑入面嘅私人會所，職員叫咗兩架警車嚟，有成六七個警察做嘢，唔知真係以為咩大獲嘢。原來件事係有個外藉爸爸話有個清潔工人打佢個仔，所有報警

警方嚟到經過一輪調查，發現事件起源係呢個爸爸同工人姐姐帶個小朋友去會所玩，個小朋友喺個會所周圍淋水整濕個地，在場清潔工人見狀就叫個姐姐控制下個小朋友

然而，個小朋友唔聽，繼續係咁淋水。之後個清潔工人有冇開聲再話小朋友就唔知，但就知佢去攞清潔工具清潔返個地方。結果個爸爸就即發癲，指控個清潔工人打佢個仔，要求即刻報警

之後要求睇晒CCTV，又呢樣嗰樣，反而最後證明到個清潔工人係冇做過呢樣嘢。以為件事就咁算？個爸爸就即時要會所炒咗呢個清潔工人，理由係佢小朋友見到呢個工人有陰影

下！你唔管住個仔，容許佢喺會所搞破壞，結果人哋幫佢執手尾，你就去屈人，屈唔成就要人無咗份工，你點教仔呀？

最終結局係點我唔太清楚，如果我知結果或呢度有屋苑居民知個結局可以講出嚟

圖片來源@國產凌凌漆
讀者投稿@路過食花生