#ParentLicenses2109

作為現職幼稚園老師，真心認為最需要接受教育嘅唔係小朋友，而係班家長！

家長成日覺得小朋友返屋企唔識做功課，矛頭只會直指係老師嘅問題。其實小朋友冇可能返學短短三個鐘就學識做功課，你哋作為佢父母喺屋企都要教，都要同佢哋重溫內容

另外，唔少家長一味淨係識縱縱縱，當嫌功課麻煩，一係就幫佢哋做，一係就捉佢哋手做，而當老師要求小朋友喺學校要學習自己做時，反倒怪老師太嚴厲唔幫佢嘅仔，甚至推諉老師搞到小朋友唔肯返學

啲怪獸家長淨係識喺WhatsApp評論個老師好唔好，不如先檢討自己啦！係班做家長嘅縱容搞到小朋友越來越依賴他人去做嘢，令到當老師要求小朋友自己完成就淨係識喊

最重要係班家長要知道，我哋老師唔係你嘅工人，老師嚴厲唔代表唔愛錫小朋友，我哋都只係想小朋友成長，因為老師係冇可能一世都幫小朋友完成

讀者投稿@賴敏晴