#ParentLicenses2091

話說早前入咗大澳，五點半左右開始去排隊搭車出東涌，當時條隊由車站排到差唔多到碼頭位置

一行四人排喺我哋前面係一家四口，一對父母、阿婆加一個孫女，目測估計父母年歲約三十中，而女兒七至八歲

排隊期間，我依稀聽到阿媽話：「都有排排㗎啦」咁就同佢老公行開咗，只剩返一老一嫩兩婆孫留守排隊

當排到車站直路時，孫女突然離開，我同朋友以為個小朋友只係到隊旁嘅空地玩，點知見到佢個身影越走越遠，而且重入咗村。阿婆就喺條隊原地不停嗌小朋友個名叫佢返嚟

見狀不妙，我朋友同阿婆講：「幫你留住個位，你去搵返孫女啦！」

阿婆：「唔該呀！」隨即就走咗搵孫女

阿婆離開咗大約十分鐘左右，孫女就自己返返嚟條隊度，但係反而就未見阿婆嘅身影，咁我哋就叫小朋友：「唔好再亂走啦，你婆婆去咗搵你，一陣你又走咗去，婆婆返嚟又唔見你啦！」

未幾，我哋就見到阿婆行緊返嚟，然後對父母隔咗一陣都出現，原來佢哋去咗買燒魷魚

阿婆同返個阿媽講個孫走咗去，好彩有人同佢留住個位去搵孫

聽畢，阿媽就作狀有少少玩咁話個女：「你係唔係傻㗎！走去搵我哋！」

阿媽續道：「係唔係要將你煲青紅蘿蔔湯呀！」

讀者投稿@A