#ParentLicenses2085

事源喺公園，我仔想攞佢仔玩具睇，我立即stop我仔，叫佢玩其他嘢

我仔問佢仔：「可唔可以一齊玩？」
佢仔話：「唔可以」
咁我仔就自動離開咗

然後佢倆公婆有幾秒冇睇好佢個仔，忽然間行得唔好撞埋去我仔度，其實我就睇晒成件事，都未到我出聲，佢仔已經係咁指住我仔同佢老母告狀，話我仔撞佢，不停咁指

佢老母同佢仔講：「我睇唔到喎，會唔會係唔小心咋？」

OK，我明㗎啦，你一定係認為我仔撞到你寶貝仔㗎啦

及後佢老母又指住我仔同佢老公大大聲講我仔係曳，搶人玩具已經唔係好嘢，一定係佢撞架啦等等，重叫佢仔唔好同我仔玩。原來手指指係遺傳，佢老母又係不停指住我仔

其實由頭到尾冇人同你個仔玩，你個仔係咁過嚟，乜而家?仔咁恐怖，識屈人撞佢

直到臨尾我仔自己玩緊爬爬，佢個仔又係咁指住我仔同佢老母告狀，話我仔又撞佢。我一直喺隔離，睇晒成件事，我又十萬個問號

老實講，我仔開頭想搶玩具真係錯，呢點我認，但唔該你做人老母教好個仔唔好亂屈人撞佢，唔好兩母子又大大聲俾說話人聽又手指指，咁樣真係會傷害到小朋友同家長。小朋友去公園玩如果唔小心有碰撞好小事，但當埸搞清楚件事先，唔該！

圖片來源@小氣的女人
讀者投稿@小氣的女人