#ParentLicenses2081

真心超嬲，嬲到要上嚟投稿，懇請各位父母教好自己隻怪獸

其實唔係人人都要鍾意你個小朋友——無錯，你個小朋友喺你眼中係全世界最可愛，但對於其他人就唔係囉

今日帶狗仔去彭福公園，大家都知彭福公園係狗仔嘅迪士尼，而好多家長都鍾意帶小朋友去，咁個公園係大家嘅，有狗有小朋友都好正常

然而，啲家長成日都會以為我哋呢啲狗主一定會俾隻狗佢哋啲怪獸摸同掂，故就成日走埋嚟追啲狗

話說放咗一陣狗，有個目測兩三歲嘅小朋友追我哋隻狗，而我哋都慣性行快兩步，盡量係避免俾人摸，無謂因小朋友啲無情力加埋狗仔嘅無情力，最後引致大家受傷就唔好

點知個小朋友失平衡跌親大喊，跟住佢父親唔係第一時間抱起個仔，而係話：「行咁快做咩呀，我仔想同你哋玩呀，搞到佢跌親」

聽到真係著晒，咪話返佢：「你自己唔教個仔唔好追人哋隻狗，搞到佢跌親你問題」

佢話：「公園就係大家一齊玩㗎啦，追下都唔得」

期間佢個仔持續大喊都冇理，我忍唔住媽叉佢：「你有病去睇醫生啦，識你個仔老鼠呀，要俾你哋追？」

在場有一對父母都幫口，就著佢睇下個仔先啦，佢先埋去睇下個仔

呀父母呀父母，唔該唔好覺得自己個仔整親就一口咬定係人哋錯啦，可唔可以清醒下，睇清楚個事實！

讀者投稿@你個仔係生物我個仔就唔係？