#ParentLicenses2079

我不嬲同班波友固定於星期六朝去打籃球

所謂疫情放寛咗後嘅某一個星期六，我哋打打下波，有班著晒隊衫嘅細路開始喺場邊拍波，但又拍得唔好，啲波成日彈入我哋個場度

未幾，突然有個應該係佢哋教練咁嘅人走入場，表明佢哋籃球班著我哋清場

我哋就遁例問個教練拎場紙，誰知個教練好理直氣壯咁話：「我哋無book到場」

我哋就同佢講：「你無book到場，我哋無需要讓俾你」

然後我哋繼續鬥緊波嗰陣，其他兩個細路嘅家長就帶佢兩個細路行入球場射波

我哋就同個家長好婉轉咁講：「我哋鬥緊波，驚撞到你啲小朋友」

嗰兩個家長隨即發難話：「讓下俾啲小朋友唔得咩？！牛高馬大喺度蝦啲小朋友！」

我哋就同佢講返話：「其實你個教練無book到場喎」

跟住我哋就唯有去搵管理員過嚟啦，佢哋先死死地氣喺返場邊拍波

其中一個?仔就問個老豆：「點解無得射籃嘅？」

個老母居然同個仔講話：「因為係佢哋霸住個場囉！」

後來我哋重隱約見到個老母係咁影我哋相，唔知係咪想上bxxy kxxxxxm公審我哋呢

圖片來源@古惑仔之人在江湖
讀者投稿@咖哩仔