#ParentLicenses2058

我父母離異，與老豆同埋嫲嫲一齊住

每逢過節或長假期，表弟一家都會過嚟住。每次我都要讓我間房出嚟俾佢哋，我就同我阿嫲一齊瞓

今日我阿嫲拎住我收埋喺房櫃桶入邊嘅condom出嚟問我：「係咪同人哋扑嘢？」

續話：「你表弟攞住盒condom問佢係乜嘢嚟，你知唔知你好肉酸，同人扑嘢你得到啲咩？」

我答佢：「得到啲咩嗰啲係雞嚟㗎喎」

阿嫲繼續鬧：「人哋做雞都有錢收，你究竟知唔知醜？同人扑嘢究竟為咗啲乜？」

阿嫲一直喺度鬧我，姑媽喺呢個時候加把口：「你明知人哋過嚟住你就收好啦，唔好周圍擺俾你表弟見到」

佢兩個係咁鬧我，言下之意重話我唔檢點係雞

我真係好嬲，我成廿幾歲，同我男朋友扑嘢有咩問題？重要我盒condom係擺喺我放bra同埋底褲嘅櫃桶最入邊，如果佢唔係摷我櫃桶佢點會見到？

我即刻鬧返佢：「我邊有周圍擺啊，我擺喺放bra個櫃桶裏邊，佢無啦啦巢我櫃桶，重要睇我啲bra做乜嘢啫？」

我姑媽鬧翻我轉頭話我：「你冇證冇據唔好屈人！」

我同佢講：「係阿嫲話佢攞出嚟㗎，咁即係一定係佢摷啦！」

我姑媽堅持話佢自己個仔唔會摷人哋啲嘢，一定係我周圍亂咁擺，總之一口咬定叫我唔好亂詆毁人

當時我真係唔想同佢哋嘈，只諗到過嚟住就住啦，唔好摷我啲嘢而已

然而，我表弟差唔多升五年級都唔算好細個，唔知佢摷我bra做乜嘢，而家諗返起真係覺得好變態，我真係好想嘔

讀者投稿@我好想嘔啊