#ParentLicenses2048

相信大家都會去過公園玩，好多時只有一樣設施係需要耐少少時間去排隊玩——鞦韆。當排到你嘅小朋友時，由坐上去開始計算，你會叫佢玩幾多分鐘就要落地呢？

因為重有五至十人排緊隊，好多時排緊隊嘅家長就會講：
「玩咁耐嘅？」
「重唔落嚟？」
「你阿媽去咗邊呀？」
「知唔知你玩咗好耐㗎喇？」
「小朋友你玩咗好耐，要落嚟㗎喇」
「……」

但係當到你嘅小朋友玩嘅時候，你又會覺得「玩咗一陣啫，排咗咁耐，唔係咁快要落嚟嘛！」就會無視咗後面排隊嘅人

以我觀察大部人都好好嘅，玩兩至三分鐘就會叫小朋友落嚟，然後再排隊玩過。其實到底每個小朋友可以玩公園嘅鞦韆幾多分鐘呢？

猶感而家嘅公園已經唔係只屬於小朋友，而係屬於大人互相批鬥嘅地方

讀者投稿@你係邊一種?