#ParentLicenses2039

某地區群組有網民指出有人驚因自己確診而傳染俾BB，所以將個B擺低咗俾個保安

出文者：今晚瑞明（棄嬰）事件嘅父母，請你哋盡返自己嘅責任。隨隨便便擺個未夠一歲嘅BB喺保安度，喺自己屋企樓下幾個鐘頭都無人接返去！你哋唔止疏忽照顧兒童，仲要連累保安姨姨俾上司鬧！連累人哋無咗份工，你哋良心過意得去咩！就算你哋染疫都唔係不負責任嘅藉囗唻架！

出文者補充：簡單講，係一對不負責任嘅父母，將一個BB擺係屋企樓下個保安姨姨度，幾個鐘個都無人返屋企

網民回應：咁對父母去咗邊？個保安姨姨真係俾佢哋累到炒咗？??

出文者：佢哋話自己確診，費事BB返屋企被感染喎。保安姨姨咪俾上頭炳囉，就算唔洗炒都連累咗人啦

網民回應：吓，咁都得……咩物種

出文者：所以真係睇唔過眼咁樣，先至公開等街坊知道有人咁不負責任

網民回應：佢哋唔係覺得可以放係保安度放到幾日後好返為止？唔止生仔要考牌，直程要做智力測試

出文者：識佢哋嘅人好難先聯絡到佢哋，到最後個爸爸話自己報警，話叫警察接走個仔喎。由始至終，做父母嘅無出現過，BB餓咗幾個鐘頭呀，係其他人買咗蛋糕同維他命俾BB食喳

讀者投稿@W