#ParentLicenses1953

我係葵涌區一個舊商場嘅鋪面職員仔

每一朝早開鋪，我都要負責去商場廁所打個水，準備好開門做生意

話說今朝我如常拎住個水桶去廁所（女廁），見到有個媽媽踎低咗，用個膠袋幫小朋友（男）接住佢啲童子尿

嗰吓我都覺得有啲奇怪，可能媽媽都孭住比較多袋，難抱起著住幼稚園校服嘅仔仔去小便，所以用咗個方便嘅方法

但係後續事件令人側目！

阿媽媽佢將成袋童子尿倒落洗手盆！
阿媽媽佢將成袋童子尿倒落洗手盆！
阿媽媽佢做咩嘢要將成袋童子尿倒落洗手盆！？

你可以倒落廁所呀！
你可以綁起個袋丟落垃圾桶呀！
你點解要倒落有人洗緊手嘅洗手盆，再丟個膠袋入垃圾桶呢？

因為佢動作勁快又好熟手，重要自己都無洗手就走咗。我重震驚緊，當刻就咩都無講到?

到底係我有潔癖而且未有小朋友，所以唔理解同理唔到？定係佢真係無牌照顧小朋友？

圖片來源@回魂夜
讀者投稿@商場鋪小薯