#ParentLicenses1928

新手媽媽表示唔好隨便入媽媽谷！只會浪費時間同增加壓力！有咩唔妥就盡快退谷！

朋友嘅老婆問我有冇興趣入媽媽谷，入面好多有經驗嘅媽媽，話可以學到好多嘢。我重有兩星期就生，諗住入去睇下都好，參考下人哋點育兒

入到去佢哋問：「你餵人奶定奶粉？」

我：「有人奶緊係餵人奶，冇奶出咪唯有餵奶粉」

相信大家都知人奶嘅營養係多奶粉好多，而且有奶粉所無嘅抗體，只係我估唔到有幾個媽媽叫我唔好餵人奶。佢哋建議我出院後完全唔好餵，喺醫院嗰幾日先餵，叫做hea下啲姑娘。

佢哋再話：「飲奶粉的話，阿B可以好快戒夜奶瞓到天光」

其實我就算未生都知餵人奶要餵得好密，胸又痛，實係冇覺好瞓，但有人奶出嘅情況下完全唔餵好似唔係咁好喎？餵唔到一個月都想堅持幾個星期，而且我有請陪月，叫做幫輕下

觀察耐啲，原來佢哋喺度鬥快戒夜奶，有個重喺度話：「我個B五日就戒到啦，你哋戒到未呀？」

佢哋乜都鬥一餐，鬥快戒夜奶、鬥快學爬學行、鬥快轉食糊仔……最後我退咗谷，因為我都係選擇信醫生、姑娘同陪月

讀者投稿@新手媽媽