#ParentLicenses1916

我住公屋的隔離屋有個80+亞伯，佢後生時做苦力一做幾十年，之後因年紀大唔做得，所以無再做嘢

亞伯一生人惟一最不開心的是無仔送終，於是帶埋一生積蓄合共廿幾萬返大陸扮大爺，打算找大陸妹做老婆，希望老來有伴照顧佢，如果好彩的話，生到個仔重可以有仔送終

最後亞伯真係呃到個大陸妹嫁佢做老婆，個大陸妹急住拎單程証梗係落疊。全程亞伯共用了十多萬元港幣就完了婚，自己一個人先返回香港，四年前亞伯個老婆重大咗肚用雙程証落嚟香港準備生仔

我見平時同亞伯都傾得吓二句，曾經試過認真咁問佢：「驚唔驚老婆知道真相之後家變同害咗個仔？」

亞伯亦明白我問乜，佢話：「人哋嫁我嗰陣以為我係中產先嫁我，雖然遲早都會穿，不過到時先算啦」

後來亞伯見我呆咗咁，竟然同我講：「單親又好，家變又好，我都無乜所謂，反正我都行將就木了。總之，我有生之年有老婆在我身邊，死時又有仔可以送終就乜都夠了」

我仍不解，再追問亞伯：「他日死後，老婆仔女生活又如何？」

亞伯竟然亳不介意笑住答：「咁就唔該晒你喇，香港人」

然後個亞伯前排因為大病賣咗咸鴨蛋，自此個大陸妹同個仔好似人間蒸發咗咁，無人知佢哋咩環境

惟一諗到個細路要喺這種環境成長，就真係覺得陰公

讀者投稿@鄰居