#ParentLicenses1914

回應 #ParentLicenses1910 投稿，我都有類似經歷，可以參考下

延伸閱讀??#ParentLicenses1910 https://parentlicenses.hk/?p=2989

當年我有個舊同事搞大咗個只結識三個月嘅女朋友，之後生咗個仔。半年後到我個仔出世，但呢兩條友明顯係未玩夠，先唔講佢條女大住個肚日日食煙飲酒，到我個仔出世後幾個月，已經話想搵我哋托兒。我企硬唔肯湊，但我個豬隊友話可以，我以為佢講笑，點知……

到我仔出咗世一星期，個豬隊友無啦啦問都冇問過我就帶咗個?仔返屋企

豬隊友：「可以陪下BB冇咁悶」

我發晒火，係咁瘋狂插個豬隊友：「有冇搞錯？問都唔問我就帶人哋細路返嚟！我湊BB已經好辛苦，你重要加重我負擔」

我續話：「不過你既然都攞咗過嚟，我就俾你感受下獨自湊仔係幾咁辛苦」

豬隊友：「得，我湊返」

屌……結果，個?仔又賴屎又賴尿，又喊又肚餓，最後都係要搵我求救，然後我粒聲唔出帶埋我BB返娘家，而豬隊友就呆咗咁企喺度，望住我執嘢走，佢越嗌我返嚟，我就越要走

原來，嗰兩條男女要落吧飲酒，佢哋住隔離座，咁近近地，所以隊咗個細路俾我老公

我老公whatsapp求我返嚟，話知錯，佢打咗好多次電話俾個舊同事但冇人聽，然後我自己whatsapp舊同事，內容大概係話：「一個鐘內唔接走XX，我報警處理」

結果係一個tick，然後我再喺facebook自己個wall到tag嗰兩條友個名話：「致識生又未玩夠，將湊仔責任推俾人嘅XXX先生同XXX小姐，你哋明知我啱啱生完小朋友，重要將個細路隊俾人照顧，然後自己走去落吧玩。知我企硬，就搵我個天真老公幫手，麻煩請盡快接走XX，否則報警處理」

其實我出完po已經即刻報警話有小朋友父母失蹤，聯絡唔到佢家人。由於當時我喺娘家，所以同差人留咗我老公電話，而我係冇事先同老公講話會報警處理

係㗎，你問都唔問帶個細路返嚟，咁我咪問都唔問就報警

結局當然係我同嗰兩條友割蓆，而老公都冇再打橫黎嚟

讀者投稿@未玩夠就唔好生唔該