#ParentLicenses1880
本身自己有兩個小朋友，一個（女）九月升中二，一個（仔）升小四，大女每日搭港鐵返學既，仔就行路返學，咁兩個好多時都一齊出門口，係港鐵站分開，黎緊阿仔比老師推薦做風紀，如果要一早當值，要0730前返到學校，因為屋企離港鐵都有對距離，行得快10分鐘，慢就15分鐘，港鐵站離學校都有10分鐘路程，快就5分鐘，慢就10分鐘
早一兩個月，老公細佬就話要接番兩個小朋友，一仔（原本九月升小五）一女（九月升小一）細佬同個女一直同居冇結婚，因咩事分開就唔知，一直以來，小朋友係跟阿媽，細佬就放假接出黎去玩去食野，見下面，然而，老公又成日同佢講，唔跟番自己，第日唔認你又點點，我從來冇比意見又唔會講，兩兄弟自己不斷講不斷做決定，話到時我得，搞得掂，又如何如何，根本冇諗過問我意見或者得唔得，就自己講掂數，到上個月，要搵學校轉校，老公叫我問下，咁好啦，問左阿仔學校校長，轉校或者小一叩門幾時截止，同佢講完，星期三返學時問，到佢講完，唔理，到星期四，先上黎印要用既文件同報名表，星期五放假唔去搞，校長講到明星期五截止架，佢話唔係，星期六都可以交表，可以交表唔代表可以面試，星期五晚，老公又自己應承佢話幫佢交表，我話，你應承你自己去幫佢交，關我咩事，細佬仲要講得好輕，A學校係邊間，B學校係邊度，C學校係邊度，最近既A學校，距離屋企路程都要成10分鐘左右，C學校係阿仔果間最遠，但交表前一星期，細佬係放假咁耐都唔去搞，本身細佬阿仔間學校係非主流學校，又有專注力不足，聽細佬講話係要食藥，細佬阿女就未知去到咩程度，少見面，本身父母都係偏心阿女，阿仔就自己顧自己，另加有輕微自閉，比較難搵學校，最終係教育局比學校佢，阿仔係D學校，阿女係我屋企附近果間A學校，咁佢問我，D學校同A學校邊間好啲，我話兩間差唔多，佢就話阿女同阿仔讀同一間，問我幫唔幫佢湊埋兩個返學，我話邊得，唔係日日同一時間出門口，有時早有時遲，佢地點等我，話淨係湊返學，放學可以自己湊，我話唔得囉，有一就有二，老公第二晚再同我講，我就同佢講，你要幫佢冇問題，我唔會反對，但你自己一早起身文佢地返學，（但其實係一個長輩同阿仔同學仔媽媽們教我講），講呢句說山話前，我話你搞個女唔平衡，雙重標準，當年阿女咁大，幫我帶埋阿仔返校，同校，仲要同阿仔揹埋書包，老公話一段時間，我話，唔係，都係一段長時間，本身果排唔舒服，身體差，易病，人地打個乞“次”我都會病，轉季，天氣反覆又會病，所以叫阿女帶埋阿仔
本身見面唔多，以前清明同新年先會見面食飯，因為爺爺嫲嫲走左，清明多數約埋一齊拜，新年會去佢地家族最大既長輩（100歲）拜年
咁最辣幾次老公叫埋細佬上黎屋企食飯，一次買左野飲連零食返黎，除左自己兩個飲，仲比埋佢兩兄妹，零食都比左啲佢地攞走既，但人地呢，兩兄妹一人一枝野飲，我兩個呢，毛都冇條，最叻有次，買一包龍蝦片，另外仲有一袋零食係手，佢帶左兩個去長輩屋企度，當時我在場，叫兩兄妹攞包龍蝦片去我屋企食，我話唔使啦，我兩個唔食，已經食到唔鐘意食，一係袋零食一早擺番背囊度，唔好比我睇度，一係就唔好扮大方，因為果位長輩係同我樓上樓下既，幾次都係咁，我都算，做自己，唔理咁多，唔講唔提
早排老公同細佬食飯，細佬同老公講，早知阿嫂唔幫我，就唔搬番住，然後老公話佢，你每次黎食飯，淨係買野比自己兩個飲，我兩個乜都冇，比著邊個都唔會理你啦，我聽完，真係火山爆發，從來冇過我湊唔湊到，做唔做到，只係兩兄弟自己講，決定，將責任推落我度，我一直講，我唔會湊，老公仲同我講，放棄湊自己仔，去幫佢湊兩個返放學，真係痴到呢，我話如果咁，我出去做野,連自己兩個都自生自滅，同阿仔咁講，阿仔話，佢大過我，點解要湊返放學，細佬阿仔大我仔一年，但轉校要佢降一級，九月同我仔同級，講真，做人呢，梗係顧左自己先，D學校離阿仔學校，都要成10分鐘路程，真係痴，老公仲要同我拗，話同我行一次，睬你都傻
講完，幫佢係岩既，我唔反對，你自己一早湊返學，老公話，唔幫就算囉，我唔應佢，講第啲，因為係平時傾計語氣講，冇同佢嘈，大家平靜講
其實，以前因為老人家仲在生，老公買野裝冷氣機都係比佢用，老公18歲已經攞左公屋，最後一批唔使計分制，第二年就用計分制，點解要分開住，兩父子日日打交鬧交，所以比屋佢，老人家好大年級生兩兄弟，反正就係因為以前種種導致今時今日既局面，以前真係細佬成日嘈交，鬧得好甘，到依家都係顧自己，自私自利
仲係度講，當然唔係直接同我講，係同長輩講，如果星期日放唔到假，擺係我度得唔得，長輩話，點解唔得，擺低幾百蚊咪得囉，帶佢地出去玩食野都要公，佢女都幾大食架，仔都食得唔算少
我話佢兄妹邊等到我，一時早一時遲，遲出門就趕住行，我仔成日想第一，二個返到課室，如果阿女返晏或者唔使返，阿仔就遲出門，同阿女一齊出門，0700～0710，如果得佢自己，就0715～0720左右先出門，就會好趕，趕住行，點湊返學，叫我湊完阿仔返學校要湊佢地返學，行黎行去好過癮，有時我都唔想湊仔返學，但過勁多馬路，有巴士搭，但等得黎都行到返去，真係做唔到，做得好唔係歸功自己，做得唔好，話你，到時兩頭唔到岸就煩啦，所以呢啲野，都係留番老公公自己去幫細佬啦
讀者投稿@小人物
