#ParentLicenses1863

大家好，我係新手媽媽，有件事真係想得個明白，個問題真係喺我度？

日期：2022年7月12日（星期二）
時間：約下午1時
地點：天水圍站

我小朋友未夠3歲，正坐在BB車上，當時我哋喺天水圍站落車

下車後，等?落地面，只消大約1分鐘左右就等到。當時要出?嘅人唔算太多，大約5個左右。我同小朋友等晒?入面啲人出晒嚟，之後我哋係第一個入?

我都有自知之明，因有BB車嘅關係，所以就算平日搭?都好，通常一入?後我都會盡量盡快企埋一邊，唔想阻到其他人入

嗰一刻，我哋係第一個入?嘅關係，所以我入咗?之後就好快咁企咗喺近?門口嘅右手邊，然後只係撳咗?嘅往「地面」掣

事情就開始發生……

我撳咗?嘅往「地面」掣之後，而我哋入咗?之後就無留意後面重有冇人入，同時?門亦好快咁關上。正當喺?門關上之後，隱約地聽到?門外有人講「等埋」，喺我想擰轉身撳?掣打開門嘅時候，可惜部?已經往地面咁落緊地面

到咗地面之後，我就推住BB車繼續往我哋要去嘅方向行，然而行咗無耐，隨即聽到後面有位大約50-55歲嘅女人好大聲咁同我講：「你真係好撚仆街，你咁撚衰格，唔等埋人！」

嗰個女人應該一直都跟住我哋，一見?門關上，佢應該即刻由樓梯跑落嚟跟住我哋

當刻嗰下我嘅腦海係空白咗一片，之後我就同嗰個女人講：「我根本就唔知後面有人要入嚟」

之後嗰個女人再繼續話：「後邊有輪椅㗎！」

我都係重複返啱先嗰句說話：我「根本就唔知後面有人要入嚟」

女人就繼續喺度話：「你教壞晒啲細路呀！」

我無再理佢，我同小朋友都繼續行，因我唔想嚇親個小朋友，亦都唔想再同個女人喺度嘈

不過，我同小朋友走嘅時候，佢嗰句說話「你教壞晒啲細路呀」仍然係喺我腦內迴響，甚至直到而家呢一刻，我都一直仲好介意嗰個女人嗰句說話

講到呢度，我要向各位講聲唔好意思

點解我會咁介意嗰個女人講嗰句說話，因我想講少少有關自己家庭嘅問題。自從2019年顏色運動，我本身嘅老公就係喺2019嗰年開始出去滾女人，當然直到而家呢個男人都重係滾緊女人。講到離婚，到而家當然重處理緊，但當中整體詳細係點嘅，我就唔再詳細講了

所以由2019年到而家，應該係話自從小朋友出世以來，我都一直好俾心機教導小朋友，無論由品德、品行、品格之類，我都想由細開始要教導好，人就要從細教導好。雖然性格都會喺出世時受到少少影響，但我相信小朋友由細開始教，導灌輸正確嘅教育，係可以將小朋友教得好

雖然就快踏上單親之路，我相信自己都可以順利跨過，但直到而家，我都好後悔當時點解唔再解釋落去有關?嘅問題

讀者投稿@努力會有更好