#ParentLicenses1858

喺太古城入面一向都有好多私家車周圍停，相信住客或者外區入嚟shopping嘅都見怪不怪

因約咗人喺某楝樓樓下交收，所以今日我揸車入去，當時啲車都泊到密麻麻

當我正打算交收完走人，我後面嚟咗架7人車，成家人落緊車，包括細路，但我要向後移少少先夠位出

我架車一開始郁，7人車即刻勁大聲「呠」我，我架車有360度cam，我好肯定我唔會撞到佢

我勁火，擰轉頭問佢：「而家咩事？」
個男司機無應

轉頭佢啲金笸籮落晒車，佢隨即揸架車上嚟，隔住車窗兇我：「睇唔到細路落緊車？唔可以等陣？」
跟住一支箭咁標走咗

你都痴痴地，你啲細路咁矜貴，就應該入停車場落客啦，無人有責任要等你啲細路落晒車先可以出車㗎喎！

圖片來源@猿人爭霸戰：猩凶革命
讀者投稿@Hey