#ParentLicenses1852

有一日等過馬路時，站在旁邊有一個媽媽和一個著住校服大約K2, K3左右的小朋友

當時媽媽很大聲責罵小朋友，內容如下：
（由於有粗口成份，唔出得街，所以用X表達，請見諒）

媽：「你個死衰仔，你老母我咩面都無X晒，你做乜X嘢學人講粗口?」

仔：「X，我無呀」

媽：「仆xxx，衰仔，你又講！邊x個教你㗎！係咪同學教你！？」

仔：「我無呀！?」
（小朋友大叫喊模式開始啟動）

媽：「x！你無？我會被你老師投訴嘅！？?依家講埋大話！係咪！？?」

由於綠公仔著咗，要過馬路了

咁我亦再唔知內容係點喇?，不過佢兩母子嘅對話，其實都幾多人望??

我其實好有衝動幫小朋友答佢媽媽嘅問題，喺佢問邊個教佢講粗口嗰陣，我想答「咪媽媽你囉?‍♀️」

可惜，我只是路人一名，邊好意思出聲

身教真係好重要，自己做嘅嘢，其實好影響小朋友。小朋友只係一張白紙嚟，你做咗咩嘢，講過咩嘢，其實佢哋唔識分對錯，只係會學大人咁講同做

希望嗰個媽媽知道問題喺邊。同埋，唔該你講少兩句粗口啦，你著到咁靚，但一講嘢，咩形象都無晒㗎喇???

讀者投稿@等過馬路的人