#ParentLicenses1392

喺兒童圖書館，有一個媽媽帶住兩個小孩，分別約2歲及4歲左右

小朋友尖叫勁嘈，佢哋身旁嘅媽媽非但無去控制，仲繼續好用心咁講故事

不久後，我留意到有職員過嚟，都企咗喺佢哋隔離一段時間，先著媽媽去控制小朋友嘅聲浪

媽媽：「我盡量啦，始終佢得兩歲」
（期間小孩繼續尖叫，高談闊論）

職員：「但圖書館要安靜，或者你借回家閱讀？」

媽媽：「佢哋都只係享受閱讀，圖書館唔係要人享受閱讀嗎？點解佢哋討論圖書嘅自由都無？咁點享受？」

職員：「抱歉，咁會影響其他小朋友專心閱讀」

媽媽：「原來香港係一個咁無自由嘅地方，想享受閱讀都唔得」

媽媽帶小孩走，一邊講：
「哩度唔係台灣，唔可以討論」
「哩度唔係學校，唔可以分享」
……

我都有帶我小孩入圖書館（當時小孩就讀K3），曾經都有疑問，喺兒童圖書館，如果小孩願意坐低安靜聆聽，點解唔能夠講故事俾小孩聽？

後來想通，始終係圖書館，而大人講故事再細聲浪都係有聲音，職員履行佢嘅職責行埋嚟提點，往後我通常借書回家。後尾發覺原來係嗰間圖書館嘅職員特別嚴，一般細聲講故事，係無問題嘅

不過今日哩兩個小孩嘈吵聲，加上媽媽嘅講故事聲，總聲浪絕對唔係細聲，應該全層都聽到?

雖然我聽到小孩好開心、好活潑，但係連其他啲小孩都講佢哋太嘈，佢哋仍然無視，嗰位職員先開口

其實你想分享、討論、享受閱讀等等都係好事，不過前提係唔好騷擾到其他人

讀者投稿@qe