#ParentLicenses1391

公司道門係入面一定要向外推出去，咁岩喺我出舖頭買嘢食時，門口就有個小朋友望緊啲貓

為免整到小朋友，我就半推道門，自己攝出去着鞋，結果就有個老母嘴藐藐，佢講咗句：「唔俾睇貓嘅」

（我公司有隻貓喺度，而道門係透明玻璃，經常都有好多人會隔住玻璃望貓）

我冇理佢，照着鞋

個老母跟住講多句：「呢間舖頭好多人都話你哋㗎」

我着完鞋之後同佢同一個方向離開，佢喺前面，我喺後面

佢老母突然擰轉頭望住我鬧：「你係咪痴線㗎？小朋友企喺門口都照推門！」

我即刻話：「我都冇整到你個女，咁我道門係要推㗎嘛，我見你個女喺度，都只係開咗少少門罅」

佢情緒激動話：「我個女得兩歲咋！唔識避你㗎！冇愛心㗎你！痴線！」

跟住佢就同同行朋友細細聲講我幾句，再大大聲鬧多我一句，但我唔係好聽得清楚佢講咩

我就叫佢：「返舖頭睇cam，即場報警，睇吓我係咪真係大大力推門意圖想攻擊你個女」

你個女係女，人哋個女唔係女？着住件制服就要俾你鬧、俾你發泄？你咁驚你個女有咩意外，你唔用個箱笠住佢？

若然我真係整到你個女，你癡撚咗線報警喇！

讀者投稿@個樣好易恰嘅?妺妹