ParentLicenses1777

前幾日同一班同學喺某大型公園做瑜伽，揀咗一塊無人嘅草地開始上堂

課堂開始咗10分鍾左右，有一班家長帶住幼稚園畢業嘅小朋友喺同一塊草地嘅另一邊影相。班小朋友一嚟到已經企定定喺我哋隔離，雖然望實我哋，但佢哋無嘈，影響唔到我哋

之後佢哋開始影相，佢哋嘅動作喺由遠處跑向我哋方向，班家長同攝影師係企喺我哋同班小朋友中間，可能班小朋友跑得太興奮，跑到穿過咗班家長，去到我哋同老師中間……

家長A：「喂喂喂……你哋唔可以去人中間㗎！」
家長B：「（大叫）人哋上緊堂㗎！」

其實班小朋友跑到我哋嗰邊都唔係好嘈，反而係家長嘅大叫聲打擾左咗我哋?

諗嚟諗去都唔明，班家長明明隔住尐小朋友，阻唔到尐小朋友衝到過嚟，就怪班小朋友搞到我哋？我哋唔係遲過佢哋到，其實你哋可以預先同小朋友講聲有人上緊堂呀嘛

讀者投稿@油姨姨