#ParentLicenses1770

因為疫情嘅關係，少咗好多學生嚟補功課班，所以我老闆娘為咗留客，好多時都遷就啲學生

其中一班原本有兩個小朋友係跟某功課班miss，但就因為家長唔係咁鐘意佢，故此老闆娘就搵咗個大學生兼職睇住嗰兩個小朋友

嗰兩個小朋友本身都坐唔定，成日搞呢樣搞嗰樣，功課班miss又買佢哋老母怕，有咩都搵我出頭同佢哋講數

有一日，有個小朋友漏低咗把間尺，翌日就俾其他同學仔發現把間尺爛咗，而成班同學仔都好熟（雖然有時多嘢講，嘈少少，但大概都算乖同聽教），唯獨新加入係嗰兩個小朋友，所以都估係佢哋做

一開始佢哋唔認有做，咁我就同佢哋講：「真係唔係你哋做？冇人認我就睇CCTV㗎啦」

佢哋卒之認係佢哋整爛

因為間尺主人未返，所以我就同佢哋講：「等嗰位同學返嚟之後，你哋同人哋道歉完，再傾下要點處理啦」

後來嗰位同學仔就話把間尺買返嚟要15蚊（金屬材質） ，所以要佢哋賠，然而只要求佢哋賠5蚊就可以

嗰兩個小朋友二話不說就拎咗20蚊出嚟話賠，最後嗰位學生收咗10蚊了事

第二日，其中一個老母就話要報警拉個功課班miss，原因係佢恐嚇嗰兩個小朋友話唔賠錢就報警拉佢哋

我：「事實上功課班miss無講過呢句說話，而係我同嗰兩個小朋友講『呢件物件唔屬於你哋，你哋冇權利去整爛佢』」

此時，功課班miss補咗句：「你哋知唔知你哋咁做，人哋有權利去報警拉你哋㗎？」

點解事情經過去到佢哋老母耳中就係恐嚇？事實上係佢兩個一開始就唔肯認，唔係我話要睇CCTV都唔會認係自己做

自己個小朋友做錯，作為家長唔係要教返啱佢哋咩？只要向老母投訴，老母就信晒一面之詞，就可以黑都變返白？一嚟唔係了解，而係當住全部學生面前直接叫報警，正一痴撚線老母

圖片來源@writewhenufree
讀者投稿@打份工既補習小薯