#ParentLicenses1734

發覺香港好多多事L，咩都關佢哋事——用鈄孭袋又話「?波」袋；拎住電話行又話小心被人偷；行路聽歌又話因住被車撞……心諗真係咩都關佢哋事，可摸耳唔好咁厚多士？

而今日又被我遇到個多事L。近排係咁落雨，我行去避雨等巴士時，見到有位媽媽帶囡囡同仔仔喺公國玩

落雨室外玩一定全身濕晒㗎嘛，有啲呀嬸行過見到就話：「嘩～有冇搞錯呀，帶啲仔女嚟淋雨」

但事實係我見個兩個小朋友玩得好開心，仲追逐尖叫

嗰啲旁觀者就繼續指責：「咁濕～小心仆親喎」

媽媽聽到佢喺度評論就話：「唔怕，細佬仔玩下，我住附近，一陣上去沖涼好快，唔會有事」

人哋媽媽都話冇事啦，你仲管咩啫？！然而，嗰啲呀嬸係唔會罷休，繼續講：「嘩！啲尖叫聲真係～耳都聾埋」

公園其實係小朋友玩㗎啦，尖叫下好正常，又唔係夜晚，又唔係圖書館，又唔係室內，更唔係對住你耳仔，點解要咁多口呢？

而且，點解要將呀嬸你嘅標準放落人哋度？人哋父母唔識衡量安唔安全㗎咩？你話8號風球或者紅色暴雨就話危險啫，而家連黃色暴雨都唔係喎，關你咩事啫？！

讀者投稿@Tty