ParentLicenses1728

日期：2022.05.06
地點：中環某高級鮨店（$3-4000一位起）

店好private，只有可容納大約12人的 omakase檯，我同朋友二人坐在最尾

一餐飯入面都一直好開心，直到當我哋傾到好投入時，經理突然攞兩件芝士蛋糕嚟，話係另一邊最遠，坐在門口旁嘅客人生日，多咗嘅蛋糕請我哋食

其實我哋好飽，但基於禮貌，沒有拒絕。由於我哋同生日嗰位客人中間隔住5-6個日本客人，所以諗住喺走嘅時候，經過先多謝佢件蛋糕

當我哋又繼續傾得好開心時，經理突然走埋嚟同我哋講: 「不如你哋講聲生日快樂？」

我同朋友呆一呆，然後立即擰轉頭，隔住中間嗰幾位客人，大聲講：「多謝晒呀！Happy Birthday！」

闊太??：「今日我個仔（貌似16-7歲）生日呀，所以請埋你食蛋糕，我可以揼咗佢！」

我??‍♀️：「（呆一呆）唔好意思呀！頭先見你哋傾緊計。生日快樂呀！多謝晒??」

仔??：「係呀，我生日呀」

我??‍♀️：「生日快樂呀！多謝晒??」

我同朋友因為咁突然，而且又奇怪嘅moment，即刻斷咗片，連本來傾緊乜都唔記得

過咗一陣，我哋又再傾得好興起時，闊太突然旋風式走埋嚟，伸手拎起嗰兩件蛋糕，充滿敵意咁講??：「你哋唔鍾意我個仔，件蛋糕我會揼咗去，唔駛你哋食！」

朋友同我呆咗，滿腦黑人問號

我哋同你哋係陌生人，有乜野「鍾意」同「唔鍾意」嘅點？我哋做錯乜？我哋餐飯又唔係你俾錢，我又冇叫你請我食蛋糕，我以為你係開心share咋！你想我哋做乜？同你個仔唱生日歌？你個仔生日其實唔關我哋事，唔駛我哋七星拱照咁圍住佢賀佢生日吓嘛？呢度又唔係你包場同你個仔慶生！

因為俾個癲女人騷擾咗兩次，本應係一餐好開心嘅飯，結果好冇癮，於是我哋拿拿臨俾錢走

經理送我哋走時，充滿歉意不停講：「真係唔好意思，我都唔知講乜好」

我心中只默默祝福佢仔仔將來嘅老婆，Amen！

讀者投稿@無菇菇食客