#ParentLicenses1694

一位婆婆上車時支付了$2硬幣，司機禮貌地提醒婆婆要多付$1.6（現金半價車資是$3.6）

婆婆說：「自己有乘車優惠」

司機提醒：「要拍卡支付車資才可享有優惠」

婆婆開始發難：「我一向坐車都係$2」

司機平靜回應：「要用八達通或樂悠卡先有優惠，你俾現金，要用返呢個價錢㗎！」

司機手指指着車資螢幕：「你俾返$1.6喇！呢啲錢係政府資助，公司追唔返㗎！」

婆婆手指指着錢箱：「咁你俾返$2我呀！」

司機：「我拎唔到㗎喎！」

婆婆不忿：「我個仔都係揸巴士㗎！」（期間重覆好多次）

司機繼續冷靜：「你個仔揸巴士都唔提醒你，佢就唔啱喇！」

婆婆起初想繼續發難，但車上幾位乘客都提醒婆婆要按規則支付車費，再次解釋要用卡才有優惠，甚至有乘客說：「不付費不開車」

最後婆婆唸唸有詞說自己卡唔夠錢之類，乖乖付車資然後安座

文章來源：讀者投稿@大埔人