#ParentLicenses1654 #投稿者補充

又係我琴老師呀????

我見到有人想睇佢點「回敬」同「教訓」我，另外有人擔心佢知我住邊，多謝大家同放心。我今朝同管理處講咗，佢哋會密切留意，同埋都發現咗其實佢唔係住我呢個屋苑，佢只係我其中一個學生嘅同學，之前都係靠學生家長幫佢入嚟，所以應該無問題嘅????????

先講個「回敬」，我相信就係上嚟出嗰個post啦，所以佢應該「回敬」咗我㗎啦，不過唔知佢仲會唔會嚟啦！

至於「教訓」，佢大概分幾樣嘢

1）我無品上網唱佢
佢係消費者，佢消費就有權要求，而我無權唱佢

喺我嘅角度。佢係嚟求學，並唔係娛樂，雖然有牽涉錢銀，但我覺得唔扯得上係消費

2）質疑我嘅資歷
佢表示我用「吳知名」嘅鋼琴教授，以及喺第一堂時我無出示我嘅證書

首先，佢根本無問，喺第一堂佢已經好興奮咁同我講從其他人口中起咗我底；其次，其實我嘅證書係掛咗喺牆上面，喺琴上面都有幾張，可能佢無留意啦

3）我家地板
佢好介懷我拖地拖咗3分鐘，呃咗佢3分鐘??‍♀️??‍♀️??‍♀️。我最尾嗰堂直接無收錢，所以我無嘢補充

4）我唔答問題
佢覺得我唔夠交流（同佢）

其實我每一個學生我都有個excel，用以record佢哋嘅進度。每次落堂，我都會message / 當面講返俾家長知，學生/家長嘅問題我都會答，有時學生仲會喺電話錄一段琴俾我問問題，我都會一一照答。只係我上緊堂唔答住，落堂我自然會答你

佢話佢見到網上有人認同佢嘅，我都再搵多次，大概估到佢講邊個。我見大家唔介意睇，咁我又借個機會答一答呢位網上嘅朋友仔，但答之前我會建議呢個朋友仔加返標點符號先。以下節錄咗部分問題

「點解人哋細路除鞋要洗手可以係由你用命令句式要求」

我唔明白點解你會理解呢句為命令句式，我無命令佢，我係彎低身，笑住同佢講：「小朋友，過嚟除鞋洗咗手先」

再者，佢係嚟我屋企，我屋企嘅規矩我有權話事啩？另外我教學生不只彈琴嘅知識技巧，鋼琴手嘅禮儀都需要

「你咪解釋下一般要幾耐同答應改課程目標囉」

可能你無睇清楚，我落堂係有答佢嘅，當然我無落口供咁一字一句咁寫返出嚟，而令你誤會我解釋，不過sorry，睇嚟只係你一個唔明啫

至於「答應改課程目標」呢樣嘢似乎太大啦啩？答應？難道對方想10堂成仙我都要答應？我答應都要睇小朋友學成點啦，咁不負責任嘅commitment我做唔出；再者先見得3次而已，大家都未清楚了解大家

「何況佢音樂無知，見到你問咁多嘢，佢又唔問得，掹好正常啫」

重申！我無講人哋係音樂無知呀，你話咋！請問邊度令你覺得我唔俾佢問？我建議你睇清楚全文先再留言

「無知不嬲都係會掹㗎啦，驚俾人當水魚嘛，你專業嘅咪笑笑教下囉，教琴唔係為教育熱誠就係為幫補生計㗎啦，兩樣都唔係反而為啖氣，嘥咗」

「無知會掹」呢個邏輯我唔明呀，乜你有嘢唔明你會掹嚟解決？家長選擇嚟搵我解決小朋友彈琴嘅問題，搵得我又唔聽我講，喺度掹係合理？

「專業」同「笑笑口」

??你又知我無笑？唔笑就唔專業？

至於我教琴為咩？以你只係睇到兩樣嘢，熱誠同生計，我相信我都唔值得同你講我為咩，我亦睇唔到我邊個位係為啖氣，我無補充

多謝大家咁有心機睇呢幾篇post，家長今朝已經再搵咗我，希望我再次教佢個小朋友，佢只係心急同緊張一時衝動????

Sorry長文????再次多謝????

讀者投稿@琴老師

故事源起

肇事者回應

投稿者回覆

投稿者補充