#ParentLicenses1609

學校校內運動會於上周舉行，今周就喺校網公佈每位學生嘅比賽成績

群組當中有位谷主將三份比賽嘅成績分享到群組。我就覺得其實使乜分享出嚟，其他家長要睇嘅，自己都會上校網睇?

未幾，有一位家長截圖節錄咗其中一名短跑名次最後嘅同學，仲留下一句：「The girl was walking instead of running, I guess」

隨後三位家長（其中一位係截圖嘅太太）更用哈哈笑公仔作回應

當然亦有正面嘅回應：「小朋友志在參與，大家開心一齊玩，最緊要冇事冇整親，囡囡好叻呀！?」

最後，受影響嘅家長就提到佢小朋友落伍係因為tripped over

佢哋一見到呢個留言，截圖嗰位家長先至道歉，三位哈哈笑回應嘅家長亦刪除圖像

後來，發現原來截圖家長嘅小朋友喺短跑比賽獲得銅牌

咁樣就可以「一朝得志，語無倫次」嗎？用語言傷害小朋友係品格好差嘅行為，相信就算呢位小朋友唔係因為受傷而得到呢個結果，我諗呢個家長都未必會道歉！

成年人了，做每件事要諗清楚會唔會傷害到人！

每個人嘅能力、發展都各有不同，唔一定要拎獎先參與比賽，堅持完成比賽才是真正的勝利者

讀者投稿@PositiveG