#ParentLicenses1595 #投稿者補充

唔好意思，冇文化，寫文唔係好通順，辛苦編輯大人；另外，謝謝你們，你們的留言都看到了，好warm

然而，今次都係以長文回應大家

有人問：「你同三個女跟媽，一對兒女跟爸，為何是5個？」

唔好意思，係我打錯，啊細妹雖然因離婚協議要跟爸爸，但一直係同我哋一起，所以我習慣講我同三個妹妹

有人話：「一切自作自受，如果自己不願意，誰也逼唔到，不要怨」

我並非怨，我只是有些委屈，但也不無辜。老實講，我媽除了溺愛兒子和成日「劫富濟貧」之外（佢有錯，係有問題），對於我來講也算一個合格的媽媽

回到家有人等，有碗熱湯，有人噓寒問暖，係我貪戀親情，我實在唔捨得趕佢哋出去獨立，我都有份害咗個細佬咁樣，這總總問題一直都不是媽媽一個人的責任

或者是我自小寄人籬下嘅經歷，我習慣順從長輩。雖然我表面睇落好硬凈 其實我驚被拋棄，被人話曳

「唔好俾小朋友給婆婆或者嫲嫲湊，在其他人屋企」

即使這個是兄弟姐妹嘅屋企，我們也一樣覺得自己被拋棄，雖然我哋睇落好似無嘢，或者只係唔敢講而已

媽媽在住院這段時間，佢話佢以為自己就來死了，也清楚在自己走後兒子會面對什麼樣的處境，會俾細佬自力更生

被爸爸拋棄嘅佢自卑，佢覺得我睇唔起佢，從來好少同佢講嘢。事實上，我本身唔係多說話的人，另外我真係好攰

阿妹又成日忙於學業都唔理佢，唯一需要佢嘅就係佢個仔，所以佢一路唔想放手，而家佢會放手啦

我同細佬女朋友的共同朋友見到篇文，再send咗俾佢女朋友睇

女朋友隨即就話要同細佬分手，佢唔敢想象同咁嘅人結婚會點。細佬話好愛個女朋友，已經開始搵工，重新開始證明俾女朋友睇。佢話佢已經明白條路要自己行，我會選擇相信佢，但不會再資助佢

多謝各位關心、鼓勵，我會好好生活落去，不會再做共犯，也不會再被親情勒索，也不會怨恨原生家庭

放下過去，先唔會被影響未來。我會好好湊大自己個仔，享受生活，做個好榜樣俾阿仔

讀者投稿@大家姐