#ParentLicenses1552

唉！所謂家長，有事搵你時就sir前sir後，冇事就潑婦罵街，癲過隻雞?

話說我係沙灘急救員，負責基本急救，院前創傷處理。經常有家長帶小朋友嚟話整親，大多都有禮貌，識唔該前唔該後，甚至有家長會教小朋友講唔該、拜拜

地理上，人搭車入嚟，落車要行入沙灘都必經我哋救護站，或經隔離廁所入，換言之即係救護站同廁所相連。另外，每當有人喺我哋門口時，我哋當值人員都好alert，因擔心係咪有case（有人受傷）

又到咗一個風和日麗嘅假期下午，我見有對擬似母子企喺救護站門口，個女人突然踎低，除低個男仔（約3, 4歲）條褲，露出何B仔

我心諗：「wtf？?」

說時遲那時快，個女人已經拎出個樽，對準個細路條何B仔，再套入去?

見狀我隨即行埋去……
⛑️：我
?：女人

⛑️：「小姐，（指住）隔離有廁所喎」
其實行過去唔使1分鐘

?：「我知呀！小朋友忍唔住丫嘛！我有樽，又冇整污糟你地方！」
哦~你知?

⛑️：「你唔介意就得喇，呢度公眾地方，咁多對眼睇住」

之後個女人即刻發爛渣，上咗拉鏈，提高8個key，發出獅吼功

?：「小朋友忍唔住丫嘛！我有樽呀！！我又冇整污糟你地方！！！」ba ba ba••••••••••

其實呢…

第一、本身喺公眾地方隨處便溺就犯法嘅；

第二、執法人員就算行酌情權，唔用cap228告你，你當眾露小朋友性器官出嚟，唔係犯法問題，而係教養問題、道德問題；

第三、呢度係救護站，唔係臨時廁所，自己衰咗仲想搵「小朋友」三個字做擋箭牌！其實你知唔知人哋唔係話小朋友，係話緊你？

第四、學下咩叫尊重，咩叫家教啦生番！自己錯就靠發爛渣，仲覺自己好啱，乜都「小朋友」做藉口，就係小朋友唔識，你大人就唔應該唔識！第時小朋友有樣學樣，製造更多衝突，就係學咗你？正一有爺生無乸教！

P.S.：個女人講純正廣東話，冇鄉音?

讀者投稿@急救員