#ParentLicenses1542

其實究竟邊一類人先適合做父母？

我自己本身責任感好重，負面講就神經緊繃；而我老公就好carefree，負面講就經常疏忽照顧兒童

佢老母成日同佢講，以前佢都一樣咩都唔知、唔使諗、唔使計畫、唔使準備嘅方式湊大佢，所以湊細路係好輕鬆

然而，我哋小朋友就兩歲，多多少少都跌過好多次，好多次都係我交俾老公睇五分鐘內就會發生意外

而且小朋友每次跌親，尤其係向後跌，我都心痛足好幾日。我經常提老公邊度要注意，當然佢從來無聽入腦，但就一定鬧交收場

點解佢會覺得係我過分保護？小朋友未有足夠活動能力保護自己唔係應該由家長保護㗎咩？定究竟用佢屋企嗰套「天生天養」「細路唔跌唔大」嘅歪理先啱？

坦白講，為咗個小朋友安全著想，我係咪應該考慮離婚，定係我真係太神經質喺度小題大做？

讀者投稿@有得考牌就好