#ParentLicenses2801

真心嬲！啲家長究竟有幾唔care你啲仔有幾曳？！唔使教？

話說我家姐有份固定兼職教小朋友跆拳（喺邊間教就不便講，為免佢俾人search到），班上有個8歲男仔已經學咗幾年，超級曳，又碌地又用道具打人，又打其他小朋友。啲老師叫佢安靜時會踢人，試過踢到家姐小腿瘀咗，但佢唔係發脾氣發癲嗰啲。每次都係哈哈大笑覺得好好玩，俾人鬧佢都大笑置之

有次佢蝦到另一個6歲小朋友喊，俾老師罰佢企角落頭，佢又要喊話自己委屈，係人哋打佢先。為咗公平起見就一齊去睇CCTV，影到係個男仔突然推人先，個小朋友先還手。證據確鑿，個男仔仍然話係人哋打佢先

之後大Sir就叫我家姐留意個男仔，因為家姐溫柔，諗住試下唔用鬧，用其他soft啲嘅方式對付佢，不過家姐每次都見到係佢先無緣無故騷擾其他同學，勸係勸唔聽

有一堂個男仔又扭扭跳跳撞到其他人，家姐就企喺佢後面細細聲勸佢乖啲。點知個仆街仔突然跳起，用個頭撞落家姐個下巴度。屌！我同媽咪睇返CCTV真係嬲到震！佢分明係特登跳起，再將個頭向上頂，好刻意要攻擊，而唔係唔小心

家姐個下巴、嘴唇外面同入面、牙邊，即時爆開流血，係成個嘴同下巴都係血！其他老師即刻衝上去幫手，有人攞水，有人攞紙巾，然後大Sir即刻車咗家姐去急症室

而個男仔呢？佢睇到家姐流晒血嘅場面，竟然毫無收歛，仍然哈哈大笑。我哋覺得佢好恐怖，我真係唔明佢有咩病。當其他小朋友嚇到呆咗，有個細路女見到咁多血驚到喊，佢都可以大笑，直情笑到碌地，乜撚嘢事呀？！

聽講大Sir同家姐去急症室後，其他老師怕小朋友情緒不穩，急召所有家長提早落堂。當個男仔嘅老母嚟到，有個資深啲嘅老師同佢講佢個仔咁咁咁整傷老師，個老母都淨係講咗句「啊，唔好意思呀」，跟住就趁個老師同另一個家長講拜拜時趁亂走咗

之後大Sir想call返個老母，條八婆已經block咗大Sir電話。就算用其他電話再打，一通咗嗌「XXX家長」，個八婆即cut線兼block號碼

校舍有保險都有得報銷醫藥費，但醫藥費又點補到家姐啲痛？我爸好嬲同大Sir話要報警拉鳩個仆街仔，家姐個嘴腫晒包哂紗布，都重勸佢哋算啦話個仆街仔貪玩，話自己冇甩牙又唔使縫針就由佢

好在家姐好返晒後，冇破相亦冇後遺症。除咗「屌你老母」，我真係冇第二個詞送俾呢兩仔乸，臭罌出臭草！

讀者投稿@是但