#ParentLicenses1766

大概於五、六年前，我喺前身叫吉之島，而家改咗名做A字頭嘅百貨公司內，一個類似冒險樂園嘅部門返工

有堆熟客每星期都會嚟幫襯一次，一個媽媽、一個目測小二/三嘅哥哥、一個目測K3/小一嘅家姐、一個即將讀幼稚園嘅妹妹，同埋坐緊BB車嘅細佬。其實過嚟玩嘅只有呢四兄弟姊妹，阿媽一上到嚟會揼低晒啲仔女喺度，然後自己唔知鼠去邊

我第一次見咁細個男仔嘅耳仔已經成排耳窿同耳環，由頭到腳同佢阿媽一樣咁MK，不過呢樣都唔係重點，重點係呢個哥哥與外表非常相反。哥哥真係好乖，一個咁細個嘅小朋友要自己一個湊細佬妹，唱代幣擲下彩虹、夾糖、夾公仔嚟不停咁氹細佬妹開心，BB喊時又會抱下佢、安慰佢，然後哥哥推住BB車，家姐拖住細妹玩遊戲機。直至兩個鐘後，阿媽終於捨得返嚟

我好想重申一次，我哋唔係托兒所，麻煩入嚟玩嘅家長唔好揼低啲仔女喺度俾我哋湊，然後玩失蹤

有日又見到佢哋，今次老豆嚟埋，佢同哥哥玩射擊遊戲
「屌你老母你射邊撚到呀？」
「咁撚蠢㗎！射嗰度呀仆街！」
「輸撚咗啦你老母臭閪！」
全程老豆爆晒粗咁邊玩邊鬧

唉，唔識講，希望四兄弟姊妹正常成長

讀者投稿@Molly